ILOILO CITY- Ginatinguhaan sang Iloilo City Government nga mapalab-ot sa mga pumuluyo sang Brgy. Sto. Niño Sur sa distrito sang Arevalo ang kinahanglanon nga bulig.
Sa interview sang Bombo Radyo kay Iloilo City Mayor Jerry Treñas, iya ginpahayag nga nagpakigsapol siya sa COVID-19 team kun ano ang nagakadapat nga himuon.
Suno kay Treñas, madamo nga nagpabutyag sang kahandaan sa paghatag sang bulig lakip na diri ang asosasyon sang mga Water Provider sa syudad.
Ginpahayag ni Treñas nga napadala na ang 30 ka box sang gatas, 10 ka box sang diaper, 500 ka loaf breads kag masobra sa 2,000 ka hygiene kits.
