ILOILO CITY – Tubtub pa sa Mayo 14 ang ginhatag na extension sa pagpanghatag sang cash assistance sa Social Amelioration Program.
Ini matapos ang liwat nga pagsulat sang Iloilo City Government sa Department of the Interior and Local Governmen kag sang Department of Social Welfare and Development tuhoy sa extension agud nga masapar ang pagpanghatag sang cash assistance.
Sa interview sang Bombo Radyo kay Iloilo City Mayor Jerry Treñas, iya ginpahayag nga nakasugtan nga sa Iloilo Freedom Grandstand patigayunon ang cash distribution kag may yara sang salakyan nga ipahulam ang Iloilo City Government agud nga magsugat kag magdul-ong sa mga benepisyaryo.
Suno kay Treñas, exempted na sa curfew ang mga benepisyaro nga magakuha sang cash assistance apang kinahanglan lang nga magdala sang quarantine pass kag valid Identification Card.
Ginpasalig sang alkalde nga masunod ang quarantine protocol kadungan sang cash distribution kag ini ang matapos sa gintalana nga deadline.
