ILOILO CITY – Siraduhon ang pila ka bahin sang Brgy. Sto Niño Sur, Arevalo, Iloilo City kasunod sang local transmission sang Coronavirus Disease 2019 (COVID-19) sa nasambit nga lugar.
Sa interview sang Bombo Radyo kay Iloilo City Mayor Jerry Treñas, iya ginpahayag nga may ginpatigayon na nga mapping ang City Health Office kun sa diin gintumod kun sa diin ang balay sang anum ka COVID-19 patients.
Suno kay Treñas, i-block ukon siraduhon ang 20-meter radius kun sa diin naga-istar ang mga nagpositibo sa nasambit nga virus samtang ang iban naman nga bahin sang barangay ang mahimo na nga buksan sa publiko pagkatapos sang Extreme Enhanced Community Quarantine nga magatapos 12:01 karon sa kaagahon.
Ginpahayag sang alkalde nga ang mga naga-istar sa 20-meter radius ang indi anay pagpahanugutan nga makaguwa sa balay tubtub nga indi masigurado nga hilway na sa virus ang nasambit nga lugar.
