ILOILO CITY – Duha ka barangay sa Capiz ang gina imbestigaran sang Criminal Investigation and Detection Group may kaangtanan sa ginapahayag anomaliya sa pagpanghatag sang Social Amelioration Program.
Sa interview sang Bombo Radyo kay Police Col. Gervacio Balmaceda, pinuno sang Criminal Investigation and Detection Group 6, iya ginpahayag nga daku ang bulig sa tion nga may yara sang magpangisog nga complainant.
Suno kay Balmaceda, lakip sa reklamo nga ila nabaton amo ang anomaliya sa pagpanglista sang benepisyaryo samtang may yara naman sang reklamo nga doble ang benepisyaryo sa isa lamang ka pamilya.
Ginpahayag ni Balmaceda nga may yara sang koordinasyon sa tunga sang Criminal Investigation and Detection Group kag ang tanan nga unit sang Philippine National Police.
Para sa mga may reklamo, mahimo nga magpakig-angot sa:
- 09617529115 ukon sa Facebook page nga CIDG IloiloPFU para sa mga taga probinsya sang Iloilo
- 09199566383 ukon sa Facebook pages nga CIDG Iloilo City filed unit para sa mga taga syudad sang Iloilo
- 09998654625 para sa mga luyag magpalab-ot sang reklamo sa Police Regional Office 6
