ILOILO CITY – Wala sang may gintuga nga imol nga tawo kundi ang tawo mismo ang nagatuga sang kaimulon.
Ini ang sentro sang mensahe ni Msgr. Meliton Oso, director sang Jaro Archdiocesan Social Action Center, sa iya homily sa ginpatigayon nga misa sa Jaro Metropolitan Cathedral.
Suno kay Msgr. Oso, ang kaimulon ang nagatuhaw bangud sa tuman nga kadalok sang tawo kag kun nagahatagay ang tanan, wala kun tani sang mga pigado.
Ginpahayag ni Msgr. Oso nga indi kinahanglan nga tuman ka dako ang bulig kundi ini ang nagadepende sa kabubut-on sang nagahatag.
Ginhalimbawa pa sang natungdan ang mga kompaniya nga nagakita sang minilyon ukon binilyon ka pesos nga wala gid nagahatag sang bisan gamay nga hazzard pay ukon incentives sa mga empleyado nga padayon nga nagatrabaho apisar sang krisis.
Magluwas diri, may mensahe man si Msgr. Oso para sa Duterte Administration nga amo ang may kapaltahan sa pagpatigayon sang preventive measures batok sa Coronavirus Disease 2019 (COVID-19).
