ILOILO CITY – Magabuligay paagi sa pagpatigayon sang magkatuhay nga imbestigsyon ang Iloilo City Police Office kag ang Criminal Investigation and Detection Group may kaangtanan sa reklamo sa Social Amelioration Program.
Ini ang nakasugtan sa small group meeting sang loilo City Police Office, Criminal Investigation and Detection Group, Department of the Interior and Local Government kag City Social Welfare and Development Office.
Sa interview sang Bombo Radyo kay Police Captain Shella Mae Sangrines, tagpamaba sang Iloilo City Police Office, iya ginpahayag nga apisar separado ang patigayunon nga imbestigasyon apang may yara sang koordinasyon sa tunga sang nasambit nga mga ahensya sang gobyerno.
Suno kay Sangrines, mahimo nga mapalab-ot ang reklamo paagi sa hotline number kag Facebook page sang Iloilo City Police Office, Criminal Investigation and Detection Group ukon sa Police Regional Office 6.
Ang Iloilo City Police Office ang mahimo nga malab-ot sa:
Telephone number: 3370400
Cellphone number: 09083772194
Facebook Page: Pulis ICPO Serbisyo Publiko
Ang Criminal Investigation and Detection Group ang mahimo nga malab-ot sa:
Cellphone Number: 09199566383
Facebook Page: CIDG Iloilo City Field Unit
Ang Police Regional Office 6 naman ang mahimo nga malab-ot sa:
Cellphone number: 09998654625
Sa pagkamatuod suno kay Sangrines, may yara na sang nagpangayo sang bulig sa Molo PNP kun paano mapalab-ot sa Iloilo City Police Office kag sa Criminal Investigation and Detection Group ang ila reklamo.
