ILOILO CITY – Nagsaka sa 102 ang kumpirmado nga kaso sang Coronavirus Disease 2019 (COVID-19) sa Western Visayas kasunod sang isa ka kumpirmado nga kaso sa Hinigaran, Negros Occidental.
Suno kay Dr. Ma. Sophia Pulmones, pinuno sang Local Health Support Division kag COVID-19 spokesperson sang Department of Health 6, ang Patient No. 102 amo ang 38 anyos nga lalaki nga naadmit sa hospital.
Nagapabilin sa 10 ang patay apang nagsaka sa 61 ang naka recover kun sa diin nalakip sa pito ka recoveries amo ang mga masunod:
Patient No. 49 – 68 anyos sang lalaki sang Pandan, Antique
Patient No. 51 – 28 anyos nga babayi sang Pandan, Antique
Patient No. 56 – 38 anyos nga lalaki sang Silay, City Negros Occidental
Patient No. 60 – 56 anyos nga lalaki sang Pandan, Antique
Patient No. 61 – 69 anyos nga lalaki sang Pandan, Antique
Patient No. 74 – 30 anyos nga babayi sang Banga, Aklan
Patient No. 75 – 3 anyos nga bata nga babayi sang Pandan, Antique
As of May 15, lunsay nagnegatibo ang 140 ka laboratory results nga ginpaguwa sang Western Visayas Medical Center kun sa diin pito diri ang ginpaidalom sa repeat testing.
Sa subong, ang Aklan ang may 6 ka COVID-19 cases, 14 sa Antique, 5 sa Capiz, 19 sa Iloilo, 3 sa Negros Occidental, 9 sa Bacolod City, 16 sa Iloilo City kag 30 sa repatriates.
