ILOILO CITY – Pahanugutan na nga makasulod sa Jaro Metropolitan Cathedral ang mga deboto umpisa sa masunod nga semana agud nga makatambong sa Dominggo nga misa.
Ini ang gin-anunsyo ni Msgr. Meliton Oso, director sang Jaro Archdiocesan Social Action Center, kasunod sang misa nga ginpatigayon sa Jaro Metropolitan Cathedral.
Suno kay Msgr. Oso, ang una nga misa sa masunod nga Dominggo ang gintalana sa 5:00 sa kaagahon kag 6:30 sa aga naman ang masunod nga misa.
Pagkatapos sang tagsa ka misa, hatagan anay sang ligwa ang pagpanglimyo kag ipatuman man ang One Entrance, One Exit Policy kag iban pa nga protocol.
Kadungan sini, liwat nga ginpahanumdom sang natungdan ang importansya sang paghimo sang maayo ilabi na subong nga may yara sang krisis.
Lakip diri amo ang paglikaw sa pagpalapta sang fake news kag pagpamintaha sa isig ka pareho.
