ILOILO CITY – Tinguhaan sang Liga ng mga Barangay nga ipatuman ang physical distancing sa tagsa ka barangay sa syudad sang Iloilo.
Sa interview sang Bombo Radyo kay Punong Barangay Roberto Niño, Liga ng mga Barangay Spokesperson, iya ginpahayag nga magatalana sang petsa kun san-o patigayunon ang pagsinapol kaupod ang tanan nga Punong Barangay.
Pinaagi diri suno kay Niño, mapalapnag ang kaundan sang Executive Order ni Mayor Jerry Treñas may kaangtanan sa ginapatuman nga physical distancing kag iban pa nga quarantine protocol.
Agud nga ini ang mapatuman, ginpahayag ni Niño nga ginakinahanglan ang bulig sang otoridad ilabi pa nga may yara gid sang mga dungol nga wala nagasunod sa guidelines.
