ILOILO CITY – Daku nga pagpanghangkat para sa Criminal Investigation and Detection Group ang pagpasaka sang kaso may kaangtanan sa anomaliya sa Social Amelioration Program sang Department of Social Welfare and Development.
Sa interview sang Bombo Radyo kay Police Col. Gervacio Balmaceda, pinuno sang Criminal Investigation and Detection Group 6, iya ginpahayag nga kinahanglan nga may yara sang magpangisog nga tagreklamo agud nga mapasaka ang kaso.
Ginhalimbawa ni Balmaceda ang natabo sa Maasin, Iloilo kun sa diin wala nadayon ang pagpasaka sang kaso batok sa mga naulamid nga barangay official matapos nga nag-atras ang tagreklamo.
Kun tani suno kay Balmaceda, indi magkahadlok ang mga tagreklamo bangud nga may yara sila sang kinamatarong nga makabaton sang P6,000 nga cash assistance.
Suno kay Balmaceda, sa bug-os nga Western Visayas, isa na ka kaso ang napasaka, duha naman ka kaso ang natalana nga ipasaka samtang siya ang under investigation.
Nagpamalibad nga maghatag sang dugang nga detalye ang natungdan agud nga indi maapektuhan ang dalagan sang imbestigasyon.
