ILOILO CITY – Gindala sa Iloilo Diamond Jubilee Hall ang mga Ilonggo strandees halin sa Palawan nga nag-abot subong nga adlaw sa syudad.
Ang mga strandees naman nga taga probinsya sang Iloilo ang ginsugat sang tagsa ka mga Local Government Unit agud nga i-quarantine sa ila nga facility.
Sa interview sang Bombo Radyo kay Mayor Treñas, iya ginpahayag nga ipa-idalom sa rapid testing ang mga strandees kag kun sin-o man ang mag positibo ang gilayon nga isolate kag ang mag negatibo naman ang mahimo na makapauli sa ila balay kag didto na lang i-quarantine sang 14 ka adlaw.
Suno kay Treñas, ang mga strandees nga magpositibo sa rapid testing ang ipa-idalom man sa Real Time Polymerase Chain Reaction (RT-PCR) test.
Sa pagkamatuod pahayag sang alkalde, ang 110 ka mga strandees ang wala ma test sa Palawan.
