ILOILO CITY – Nagapabilin sa gihapon sa 105 ang kaso sang Coronavirus Disease 2019 (COVID-19) sa Western Visayas.
As of May 21, lunsay negatibo ang resulta sang 262 ka specimen nga ginpaidalom sa test sa Western Visayas Medical Center.
Nagapabilin naman sa 10 ang patay apang nagsaka sa 73 ang naka recover matapos nga may tatlo nga nagdugang nga ginalakipan nanday:
Patient no. 73 – 55 anyos nga babayi sang Arevalo, Iloilo City
Patient no. 79 – 57 anyos nga babayi sang Arevalo, Iloilo City
Patient no. 80 – 49 anyos nga babayi sang Arevalo, Iloilo City
Ang tatlo ka mga naka recover ang lunsay repatriated Overseas Filipino Workers.
Sa subong, anum ang COVID-19 cases sa Aklan, 14 sa Antique, anum sa Capiz, 20 sa Iloilo, tatlo sa Negros Occidental, siyam sa Bacolod City, 17 sa Iloilo City kag 30 ang nagpositibo sa repatriates.
