ILOILO CITY – Nadugangan sang duha ang kumpirmado nga kaso sang Coronavirus Disease 2019 (COVID-19) sa Western Visayas kun sa diin naglab-ot na sa 107 ang kabug-usan nga numero.
As of May 22, tatlo sa 313 ka specimen nga ginpaidalom sa COVID-19 test sa Western Visayas Medical Center ang nagpositibo apang duha lang ang makabig nga bag-o nga kaso samtang ang isa naman ang nagpositibo sa repeat testing.
Suno kay Department of Health 6 Assistant Regional Director Dr. Ma. Julia Villanueva, ang duha ka COVID-19 patients amo sanday Patient no. 106 – 25 anyos nga babayi sang Lapuz, Iloilo City, Personnel sang Bureau of Jail Management and Penology kag Patient no. 107 – 44 anyos nga lalaki sang Jordan, Guimaras kag isa ka Overseas Filipino Worker.
Ang duha ka pasyente ang lunsay asymptomatic kag naka facility quarantine samtang nagapabilin naman sa 73 ang naka recover kag 10 ang patay.
Sa subong, anum ang COVID-19 cases sa Aklan, 14 sa Antique, anum sa Capiz, 20 sa Iloilo, tatlo sa Negros Occidental, siyam sa Bacolod City, 18 sa Iloilo City kag 31 ang nagpositibo sa repatriates.
