ILOILO CITY – Wait and see lang anay Martime Industry Auhtority may kaangtanan sa pagbalik sang byahe sang fast craft sa bug-os nga Western Visayas.
Sa interview sang Bombo Radyo kay Maritime Industry Authority 6 Director Jose Venancio Vero, iya ginpahayag nga sa subong, ang Locally Stranded Individuals lang ang pahanugutan nga makabyahe via fast craft.
Suno kay Vero, nakadepende naman sa rekomendasyon sang National Inter-Agency Task Force kun bala magapadayon na ang pagbyahe sang fast craft sa tion nga ipaidalom sa Modified General Community Quarantine ang bug-os nga rehiyon epektibo Hunyo 1.
Sa tion nga pahanugutan na ang byahe, mahimo nga 50% lang ang passenger capacity apang sa subong, wala pa sang desisyon kun bala magapataas sang pamasahe ang mga operator.
