ILOILO CITY – Nadugangan sang isa ang kumpirmado nga numero sang Coronavirus Disease 2019 (COVID-19) sa Western Visayas kasunod sang labing una nga kaso nga na record sa Igbaras, Iloilo.
Suno kay Dr. Jessie Glen Alonsabe, pinuno sang Regional Epidemiology and Surveillance Unit kag COVID-19 spokesperson sang Department of Health 6, ang patient 114 amo ang 55 anyos nga lalaki nga naka home quarantine apang wala pa sang impormasyon kun paano nakuha sang pasyente ang nasambit nga virus.
As of June 1 suno kay Alonsabe, nagapabilin sa 81 ang naka recover samtang 10 naman ang patay.
Sa 229 nga laboratory results nga ginpaguwa, 227 ang negatibo samtang duha naman ang positibo apang isa diri ang makabig nga new case.
Sa subong, ang Aklan ang may 6 ka COVID-19 cases, 14 sa Antique, 6 sa Capiz, 21 sa Iloilo, 3 sa Negros Occidental, 10 sa Bacolod City, 19 sa Iloilo City kag 30 sa repatirates.
