OTON, ILOILO– Patay ang isa ka lalaki matapos natumbahan sang puno sang indian mango ang baligyaan ga iya ginapahuwayan sa barangay Rizal, Oton Iloilo.
Ang biktima ang ginkilala nga si Romeo Roberto, 59 anyos kag residente sang Rizal Oton samtang ang suspek naman amo ang driver sang dump truck nga si Rojin Susmiran residente sang Barangay Tolongadian, Sta. Barbara Iloilo.
Sa imbestigasyon sang Oton Municipal Police Station, padulong kuntani sa banwa sang San Miguel ang amo nga truck sang nakaangkon sang mechanical trouble sa diin, nagslide ang amo nga truck kag naka-igo pa sa puno sang Indian Mango nga amo naman ang nagtupa sa baligyaan nga ginpahuwayan sang biktima.
Ginhingagaw pa dala sa hospital si Roberto, apang gindeklara nga dead on arrival.
Yara naman sa kustodiya sang Oton Municipal Police Station si Susmiran kag magapangatubang sang nagakaigo nga kaso
