ILOILO CITY – Nalimtan sang tag-iya ang iya niluto nga pagkaon sang ido rason sang pag-ibwal sang kalayo sa Q. Abeto, Mandurriao, Iloilo City.
Sa interview sang Bombo Radyo kay Teresita Lopez, 73, iya ginpahayag nga nag sun-ad siya sang pagkaon para sa iya nga mga ido apang nagguwa man siya sa iya balay kag nagpanilhig sa ugsaran.
Suno kay Lopez, ginkakibot na lang niya nga nagsinggitan ang iya mga tupad balay bangud madamol na ang aso.
Apang apisar sini, gintinguhaan pa sang tag-iya nga magsulod liwat sa balay kag ginpatay ang main switch.
Ang duha naman ka ido ni Lopez ang natigayon nga ma rescue sang Bureau of Fire Protection apisar nga may gamay nga pilas ang isa sa ila.
Magluwas sa balay ni Lopez, wala naman sang iban nga balay nga naulamid.
