ILOILO CITY – Lunsay repatriated Overseas Filipino Workers ang apat nga nadugang sa kumpirmado nga kaso sang Coronavirus Disease 2019 (COVID-19) sa Western Visayas.
Suno kay Dr. Jessie Glen Alonsabe, pinuno sang Regional Epidemiology and Surveillance Unit kag COVID-19 spokesperson sang Department of Health 6, as of June 4, nagsaka sa 121 ang COVID-19 cases, 84 ang naka recover kag 10 ang patay sa bug-os nga rehiyon.
Ang mga nagdugang sa COVID-19 cases amo sanday:
Patient 118 – 43 anyos nga lalaki sang Bacolod City
Patient 119 – 23 anyos nga lalaki sang Mandurriao, Iloilo City
Patient 120 – 33 anyos nga babayi sang Molo, Iloilo City
Patient 121 – 31 anyos nga babayi sang Murcia, Negros Occidental
Ang nasambit nga mga pasyente ang lunsay naka facility quarantine kag nag-abot sa pungsod sa nagkalain-lain nga petsa.
Sa subong, naglab-ot sa 6 ang COVID-19 cases sa Aklan, 14 sa Antique, 6 sa Capiz, 21 sa Iloilo Province, 3 sa Negros Occidental, 10 sa Bacolod City, 11 sa Iloilo City, kag 42 sa repatriates.
