ILOILO – Kinahanglan nga mangin prayoridad sang commercial flights amo ang repatriated Overseas Filipino Workers kag Locally Stranded Individuals.
Ini ang pahayag ni Iloilo Gov. Arthur Defensor Jr. may kaangtanan sa pagbalik sang commercial flights sa tagsa ka paluparan sa pungsod.
Suno kay Defensor, unahon anay ang pagpauli sang Overseas Filipino Workers kag sang Locally Stranded Individuals nga may yara sang kumpleto nga requirements kun ipaanggid sa pagbaton sang turista.
Ginpahayag ni Defensor nga magluwas sa Overseas Filipino Workers, ang mga Locally Stranded Individuals nga naghalin sa high risk areas ang nagakadapat nga ipaidalom sa Reverse Transcription Polymerase Chain Reaction (RT-PCR) test.
Magluwas sa COVID-19 test kag mandatory quarantine, kinahanglan gid suno sa Gobernador ang health certificate kag travel authority.
Liwat man nga ginpahanumdom sang natungdan ang koordinasyon may kaangtanan sa repatriation ang mangin Local Government Unit to Local Government Unit sa bulig sang Inter-Agency Task Force.
Nahibalu-an nga ang nasambit nga lihok ang nasanto sa National Task Force for COVID-19 Order No. 2020-02 kag Department of the Interior and Local Government Memorandum Circular No. 2020-87.
