ILOILO CITY – Koordinasyon ang kulang kun nga-a naglab-ot sa letter of condemnation letter ang natabo nga pagdakop sa tanod commander sang Nabitasan,La Paz, Iloilo City nga nagmaneho sang wala sang plaka nga barangay tricycle patrol nga may karga nga pasyente.
Ini ang natukiban sa consultative meeting nga ginpatigayon kaupod ang mga opisyal sa syudad sang Iloilo, mga Punong Barangay sa distrito sang La Paz kag si Public Safety and Transportation Management Office head Jeck Conlu.
Sa interview sang Bombo Radyo kay Iloilo City Councilor Rommel Duron, chairman sang Committee on Good Government and Public Accountability, iya ginpahayag nga ang tagsa ka bahin ang may yara sang sala.
Suno kay Duron, natukiban nga kulang sa communication equipment ang Public Safety and Transportation Management Office ilabi na kun may emerhensya kasubong sa natabo sang Mayo 27.
MAy mga hitabo suno kay Guron nga kinahanglan nga indi makadesisyon ang personnel kag kinahanglan ang pamat-od sang immediate officer.
Natukiban nga antes pa man ang insidente sang pagpanakop, ginhatagan sang konsiderasyon sang duha ka traffic auxiliary ang tanod commander nga nagamaneho sang barangay tricycle patrol.
Ginpahayag ni Duron nga kun kaisa, may yara sang konsiderasyon nga ginahatag ilabi na kun may emerhensya apang ang tagsa-tagsa ang may yara sang nagkalain-lain man nga paghangop sa tinaga nga emergency.
Magluwas sa traffic violation, isa man sa nagguwa suno sa Konsehal amo ang ginapahayag pagka-arogante sang ginareklamo nga traffic auxiliary.
