Masobra 6 million nga estudyante ang na rehistro sa online enrollment campaign sang Department of Education sa sulod sang isa ka semana.
Sa interview sang Bombo Radyo kay Department of Education Undersecretary for Legislative Affairs, External Partnerships and School Sports Tonisito Umali, iya ginpahayag nga umpisa Hunyo 1 tubtob Hunyo 15, indi required nga magpadulong sa eskwelahan ang mga estudyante kaupod ang ila ginikanan agud magpa-enroll.
Epektibo Hunyo 16, may igapahamtang nga forms sa guwa sang eskwelahan, ini ang kinahanglan nga fill-upan kag ihulog sa drop box.
Suno kay Umali, indi problema kun wala sang internet bangud may yara sang ihatag nga self learning modules ang Department of Education para sa mga estudyante.
Ginatinguhaan man sang Department of Education nga mahatagan sang cash allowance ang mga manunudlo para sa materyales nga kinhanglanon.
Para naman sa mga malayo nga lugar, posible nga ipatuman ang school-on-the-air ukon radio base instruction mode of learning kun sa diin handa ang Department of Education nga makig-angot sa Bombo Radyo Philippines agud mangin palaagyan sa pagtuon sang kabataan.
