“They’re supposed to be the one to protect sa mga pumuluyo pero sila man mismo nagahimo sang krimen”-Former Cong. Britanico sa duha ka mga pulis nga suspek sa pagpatay sa iya anak

ILOILO CITY – ‘Mismo ang mga pulis nga tagpangapin sang pumuluyo amo ang nagahimo sang krimen.’

Ini ang pahayag sang amay ni Delfin Britanico nga ginluthang-patay sa Nabitasan, La Paz, Iloilo City kun sa diin gintumod sang National Bureau of Investigation nga pulis ang duha sa apat ka mga suspek.

Sa interview sang Bombo Radyo kay anay Barangay Association for National Advancement and Transparency (BANAT) party-list Rep. kag anay Iloilo Assemblyman Salvador Britanico, iya ginapahayag nga kinahanglan kaayuhon sang Philippine National Police ang trabaho ilabi pa nga ginpasakaan ni Presidente Rodrigo Duterte ang ila sweldo.

Kumporme man si Britanico sa nangin resulta sang imbestigasyon sang National Bureau of Investigation apang kun tani, makilala naman ang duha ka iban pa nga upod nanday Police Coproral Jerry Villanueva kag Police Corporal Joseph Andrew Joven.

Nagapangabay ang amay sang biktima nga kun sin-o man ang may yara sang ideya sa krimen nga natabo sang Enero 19, makig-angot lang sa pamilya Britanico ukon magpadulong sa National Bureau of Investigation.

Nahibaluan nga ginpasakaan na sang kaso nga Murder kag Theft ang duha ka mga pulis nga yara na sa kustodiya sang otoridad.