ILOILO CITY – Gin-athag ni Msgr. Meliton Oso, Director sang Jaro Archdiocesan Social Action Center, nga wala siya sang Facebook account.
Sa interview sang Bombo Radyo kay Msgr. Oso, director sang Jaro Archdiocesan Social Action Center, iya ginpahayag nga indi siya makahibalo sa paggamit sang nasambit nga social media platform.
Suno kay Msgr. Oso, nagakahangawa siya nga posible gamiton sa kalainan ang nakapangalan sa iya nga facebook account.
Mismo siya suno kay Msgr. Oso ang natingala kun sin-o ang naghimo sang peke nga account nga lapnagon sa subong.
Ginalantaw sang natungdan nga idangop sa Philippine National Police ukon sa National Bureau of Investigation ang nagatuhaw nga peke nga account sa social media.
