ILOILO CITY – Padayon ang drug clearing operations sa Western Visayas.
Sa interview sang Bombo Radyo kay Graziella Tanaelon, spokesperson sang Philippine Drug Enforcement Agency Region 6, iya ginpahayag nga 130 ka barangay sa rehiyon ang aplikante agud mangin drug-cleared.
Suno kay Tanaleon, kalabanan sa aplikante amo ang mga barangay sa Negros Occidental kag Bacolod City kag ang resulta ang ipalayag kadungan sang 20th Regional Oversight Committee Deliberation apang wala pa sang petsa kun san-o ini patigayunon.
Sa Western Visayas, ang Antique ang may pinakamataas nga rating nga nagalab-ot sa 98.81% kun drug-cleared barangay ang pagahambalan.
Ang Aklan ang may 92.96%, Iloilo nga may 90.52%, Guimaras nga may 79.59%, Capiz nga may 65.75%, Iloilo City nga may 42.77%, Negros Occidental nga may 29.45% kag Bacolod City nga may 16.49%.
