Indi makabaton sang unemployment benefit sang Social Security System ang mga empleyado nga nag-resign sa ila trabaho subong nga may Coronavirus Disease 2019 (COVID-19) pandemic.
Sa interview sang Bombo Radyo kay Amiel Genova, tagpamaba sang Social Security System , iya ginpahayag nga ang mga myembro sang ahensya nga nadulaan sang trabaho halimbawa, nagsirado ang kompaniya ukon nagbuhin sang empleyado amo ang kwalipikado nga makabaton sang benepisyo balor P20,000.
Suno kay Genova, kinahanglan lang nga sekyaron sang myembro amo ang employer certification kag Department of Labor and Employment certification nga nagapamatuod nga ang empleyado ang “involuntary separated” sa iya nga trabaho kag ang Identification Card sa SSS ukon duha ka mga valid IDs.
Apang pahayag niya, kinahanglan nga naka-36 contribution ang myembro sang ahensya kag indi magnubo sa 12 contribution sa sulod sang 18 ka bulan agud mangin kwalipikado sa unemployment benefit.
