Ginakasubo sang Malacañang ang pagkapatay sang Filipina seafarer nga nagatrabaho sa cruise ship kag nagahulat nga makapauli na sa Pilipinas.
Suno kay Presidential Spokesperson Atty. Harry Roque, gina-imbestigahan sang otoridad ang nasambit insidente.
Naghingyo man si Roque sa mga ahensya sang gobyerno nga hibaluon ang emosyonal nga kondisyon sang mga tuman nga naapektuhan sang krisis tuga sang Coronavirus Disease 2019 pandemic.
Dugang pa niya, nagahimo na subong sang pamaagi ang gobyerno agud mapadasig pa ang pagpapauli sa mga Overseas Filipino Workers nga naapektuhan sang pandemya.
Nahibaluan nga nasapwan na nga wala snag kabuhi ang 28 anyos nga seafarer sa sulod sang iya kabin kag base kay Foreign Secretary Teodoro Locsin Jr. nag-suicide ang amo nga babaye.
Una na nga ginpahayag sang Department of Labor and Employment nga ginabanta 16,000 pa nga mga OFWs ang natalana nga makapauli sa Pilipinas subong nga bulan sang Hunyo.
