ILOILO CITY – Nalakip ang syudad sang Iloilo sa mga kwalipikado sa ika duha nga hugnat sang Social Amelioration Program.
Ini mismo ang ginkumpirma sang City Social Welfare and Development Office kay Iloilo City Mayor Jerry Treñas.
Suno kay Treñas, iya na nga ginmandu-an ang City Social Welfare and Development Office nga ihanda ang payroll kun sa diin lakip sa pagahatagan amo ang mga benepisyaryo sa una nga hugnat lakip na ang mga wala nakabaton apang nalakip sa listahan sang 1st tranche.
Ginpahayag ni Treñas nga wala pa sang petsa sang pagpanghatag sang ayuda apang ang sigurado amo nga ang Philippine National Police kag ang Philippine Army na ang magadumala sa cash distribution.
