ILOILO CITY – Maximum tolerance ang ipatuman sang Philippine National Police sa tion nga may yara sang magpatigayon sang hublag protesta subong nga adlaw, Hunyo 12, kadungan sang Independence Day Celebration.
Sa interview sang Bombo Radyo kay Police Lt. Col. Gilbert Gorero, acting Public Information Officer sang Police Regional Office 6, iya ginpahayag nga sa tion nga may yara sang magpatigayon sang hublag protesta, ang magapakigbahin ang panugyanan lang nga magpauli.
Sa tion nga may magwaslik-poder suno kay Gorero, ipatuman gid kun ano ang layi.
Sa pagkamatuod suno sa natungdan, ginadumili-an ang pagpatigayon sang mass gatherings sa mga lugar nga napaidalom sa Modified General Community Quarantine santo sa guidelines sang Inter-Agency Task Force.
Samtang, wala naman sang may nabaton nga pamahog ang Philippine Army may kaangtanan sa pagsaulog sang Independence Day.
Sa interview sang Bombo Radyo kay Major Cenon Pancito III, tagpamaba sang 3rd Infantry Division sang Phiilippine Army, iya ginpahayag nga ang pagpatigayon sang hublag protesta ang nagapakita lamang sang vibrant democracy sa Pilipinas.
Apisar sini, ginpahayag ni Pancito nga magapadayon sa gihapon ang pursuit operations kag ang relentless focused military operations.
