ILOILO CITY – Gin-athag sang Philippine Army nga indi sakop sang Anti-Terrorism Bill ang mga aktibista.
Ini ang may kaangtanan sa pagpamatok sang cause-oriented groups sa nasambit nga hagna.
Sa interview sang Bombo Radyo kay Major Cenon Pancito III, tagpamaba sang 3rd Infantry Division sang Philippine Army, iya ginpahayag nga ang dapat kulbaan sa Anti-Terrorism Bill amo ang mga katapo sang New People’s Army nga nagapatigayon sang kalakasan.
Suno kay Pancito, ang dapat nga kulbaan amo ang nagadala sang kahalitan kag nagatuga sang gamo sa pungsod.
Ginpahayag ni Pancito nga ang Korte Suprema lamang ang makapamatuod sang identity sang isa ka tawo.
