MANILA– Ginpaguwa na sang Samahang Basketbol ng Pilipinas ang roster sang Philippine National Team para sa labing una nga FIBA E-sports Open.
Lakip sa line-up amo sanday Rocky Braña, Philippe Alcaraz IV, Clark Banzon, Al Timajo, Aljon Cruzin, Rial Polog Jr. kag Custer Galas.
Santo sa ginpaguwa nga statement ni FIBA media and marketing service director general Frank Leenders, ang nasambit nga kompetisyon ang importante kag strategic bangud may tinutuyo ini nga mas mapadako pa ang FIBA family.
Dugang pa ni Leenders, subong nga tion sang pagpanghangkat, na-engganyo man sila pinaagi sa National Federations nga nangin charter partners sa sulod sang pila ka bulan.
16 naman ka mga pungsod ang nalakip sa international open nga pagahiwaton sa maabot nga Hunyo 19 tubtob 21.
Ang mga pungsod nga magapasakop sa torneyo ang ginalakipan sang Argentina, Australia, Austria, Brazil, Cyprus, Indonesia, Italy, Latvia, Lebanon, Lithuania, New Zealand, Russia, Saudi Arabia, Spain, Switzerland kag Ukraine.
Mahimo man nga matan-aw ang hampang sa Facebook Page sang FIBA, Twitch kag Youtube.
