MANILA– Proud ang aktres nga si Arci Muñoz nga ginpakita ang iya pagpakigbahin sa Basic Citizen Military Training sa idalom sang Philippine Air Force.
Sa iya social media post, ginpakita ni Arci ang laragway sa una nga adlaw sang training bilang isa ka reservist.
Suno kay Arci, siya ang labing una nga babayi nga artista sa iya henerasyon nga nagpaidalom sa nasambit nga training.
Dugang pa sang 31 anyos nga aktres, gina-engganyo man niya ang iban pa nga kababainhan nga magpa-enlist bilang reservist.
Nagpasalamat man ang natungdan sa Philippine Air Force sa kahigayunan nga ginhatag sa iya.
