ROME, ITALY- Nagpanawagan si Pope Francis sa Libyan National Army kag sa Government of National Accord nga untaton na ang nagaluntad nga civil war sa Libya.
Suno kay Pope Francis, ginapanawagan niya ang mga international bodies, kag iban pa nga kuntani buligan nga masolbar ang problema sa Libya, agud mauntat na ang kalakasan, mangin estable, malinong, kag mag-isa na ang amo nga pungsod.
Pahayag pa sang Santo Papa,kuntani mahimuan na ini sang paagi agud mabuhinan na ang pag-antos sang mga pumuluyo bangud sa konplikto.
Nahibaluan nga wala na sang estable nga central authority ang amo nga pungsod, humalin pa sang ginpahalin sa pwesto sang mga rebelde nga ginasuportahan sang North Atlantic Treaty Organization ang diktador nga si Muammar Gaddafi sadtong tuig 2011.
