ILOILO – Wala sa gihapon nagbalik ang byahe sang fastcraft nga may ruta Iloilo-Bacolod vice versa subong nga adlaw.
Sa interview sang Bombo Radyo kay Victor Abanilla, boat captain sa Iloilo Fastcraft terminal, iya ginpahayag nga masobra duha ka bulan na nga wala sang byahe ang fastcraft kag ginalaoman kuntani niya nga subong, Hunyo 15 mabalik ang byahe apang ginkakibot niya nga suspendido sa gihapon ang operasyon.
Sa bahin naman sang Roll-On-Roll-Off vessel, mahimo ma-akomodar ang mga pasahero apang limitado lang sa government employees, locally stranded individuals kag frontliners.
Suno kay Winton Dongon, fastcat port officer, kinahanglan lang nga kompleto ang mga dokumento sang nasambit nga mga pasahero agud nga makabyahe sa Iloilo-Bacolod vice versa.
