‘It is very clear that these people have violated the rules of IATF’ -Mayor Treñas sa BFP Region-6

ILOILO CITY – Maathag nga ginlapas ang guidelines sang Inter-Agency Task Force sang mga katapo sang Bureau of Fire Protection Region 6 upod ang ila man nga personnel nga nagpositibo sa Coronavirus Disease 2019 (COVID-19).

Ini matapos nga ginkumpirma mismo ni Malay, Aklan Mayor Frolibar Bautista nga nagpadulong ang mga katapo sang Bureau of Fire Protection Region 6 kaupod si Regional Director Fire Sr. Supt. Roderick Aguto sa isla sang Boracay.

Sa interview sang Bombo Radyo kay Iloilo City Mayor JerryTreñas, iya ginpahayag nga kinahanglan sabton sang Bureau of Fire Protection Region 6 ang nasambit nga isyu.

Nahibaluan nga makaduha ka bes nga nagpadulong ang Iloilo City Health Office sa talatapan sang Bureau of Fire Protection Region 6 agud pamangkuton kun sa diin gin-quarantine ang 26 anyos nga firewoman apang wala ang mga ini sang impormasyon.

Ulihe lang sang natukiban nga yara man sa quarters sang talatapan naka quarantine ang amo nga pasyente.