ILOILO CITY – Tugutan na ang pagpatigayon sang fiesta sa bug-os nga syudad sang Iloilo.
Ini ang ginpahayag ni Iloilo City Mayor Jerry Treñas apisar nga pagpalawig ang Modified General Community Quarantine sa bug-os nga Western Visayas tubtub sa Hunyo 30.
Suno kay Treñas, mahimo na nga makasaulog sang barangay fiesta apang ginadumili-an sa gihapon ang pagpatigayon sang bulang kag pageants nga makaganyat sang madamo nga tawo sa isa lamang ka venue.
Ginpahayag ni Treñas nga bilang kabahin sang new normal, indi gid dapat madula ang pagsunod sa minimum health protocols kasubong sang pagsuksok sang face mask sa tion nga magguwa sa pampubliko nga lugar, pagsunod sa physical distancing kag masami nga paghugas sang kamot.
