BAROTAC VIEJO, ILOILO – Patay ang isa ka babayi matapos naghikog sa banwa sang Barotac Viejo, Iloilo.
Ang biktima amo si alyas Alma, 24 anyos, residente sang Barangay Old Poblacion, Escalante ,Negros Occidental.
Sa interview sang Bombo Rado kay Police Captain Kenn Albert Lepsia, hepe sang Baratoc Viejo Municipal Police Station, iya ginpahayag nga nagpadulong sa police station ang isa ka traffic aid nga si Ramil Mansuegos sa diin iya ginsugid nga may nakita siya sa bintana sang isa ka boarding house nga may babaye nga nagabitay.
Suno kay Lepsia, ginkadtuan nila ang ginapahayag boarding house apang sirado ini rason nga naggamit sila sang pwersa agud mabuksan ang pwertahan.
Ang biktima ang nagaluhod na sa iya katre kag wala na sang kabuhi sa diin iya gingamit ang nylon nga ginkabit sa balayan.
Pahayag sang pulis, santo sa mga mensahe nga ila nakit-an sa cellphone sang biktima, may yara ini sang problema sa lovelife ukon sa iya nga boyfriend.
Nagapanawagan man ang natungdan nga hatagan sang nakakaigo nga atensyon ang depresyon bangud seryoso ini nga butang sa diin dako ang mabulig sang pamilya sa pagsolbar sang amo nga problema.
