ILOILO – Nagapabilin sa isolation facility sa syudad sang Iloilo ang pulis nga taga Pangasinan nga nagpositibo sa Coronavirus Disease 2019 (COVID-19).
Sa interview sang Bombo Radyo kay PLtCol. Gilbert Gorero, tagpamaba sang Police Regional Office 6, iya ginpahayag nga polisa na sang PRO-6 nga ang tanan nga mga pulis nga halin sa iban nga rehiyon ang ginapa-idalom sa mandatory isolation.
Suno kay Gorero, apisar nga may yara sang ginapangayo nga health certificate ang Police Regional Office 6 sa mga pulis halin sa iban nga rehiyon, luyag sa gihapon nga masigurado sang pamunuan nga hilway ang mga ini sa COVID-19.
Antes gina-deploy ang mga pulis kag ginahatagan sang assignment, kinahanglan nga magpadulong anay ini sa regional health service agud makig-angot sa attending physician nga amo man ang gin-obra sang nasambit nga COVID-19 positive.
Bangud sini, kinahanglan tsekyaron sang Police Regional Office 6 kun sanday sin-o ang mga naka close contact sang pulis sa regional health service agud nga mapa-idalom man sa nasal swab test.
