ILOILO CITY – Ginkumpirma ni Iloilo City Mayor Jerry Treñas nga igasirado na ang Molo PUV Terminal.
Ini matapos nga napirmahan na subong nga adlaw, Hunyo 23, ang Executive Order 95 series 2020 ukon ‘An Executive Order Directing the Closure of the Molo PUV Terminal in Brgy. San Pedro, Molo, Iloilo City.’
Sa interview sang Bombo Radyo kay Treñas, iya ginpahayag nga ang closure order ang nasanto sa rekomendasyon sang Land Transportation Franchising and Regulatory Board bangud may yara sang madamo nga violations kag wala nakapasar ang Molo PUV Terminal sa standards sang nasambit nga ahensya.
Magluwas diri, ang duta nga ginahamtangan sang Molo PUV Terminal ang ginapanag-iyahan sang Iloilo City Government.
Bangud sini, ang tanan nga Public Utility Vehicles nga yara sa nasambit nga terminal ang sayluhon na sa Mohon Arevalo Terminal.’
Ang nasambit nga mandu ang mangin epektibo tatlo ka adlaw matapos mabaton sang operator ang kopya sang Executive Order.
