ILOILO CITY – Nagapabilin nga symptomatic ang 5 ka tuig nga bata nga residente sang Mandurriao, Iloilo City kag Locally Stranded Individual gikan sa Cebu.
Sa interview sang Bombo Radyo kay Dr. Ma. Sophia Pulmones, pinuno sang Local Health Support Division sang Department of Health Region 6, iya ginpahayag nga naka-facility quarantine ang nasambit nga bata.
Suno kay Pulmones, kaupod sang bata nga nagpauli sa syudad sang Iloilo ang tatlo pa ka mga himata nga lunsay nagpositibo man sa COVID-19.
Ginpahayag ni Pulmones nga mahimo nga sa Cebu nakuha sang bata ang virus bangud nga ginakabig nga high risk ang nasambit nga lugar.
Nahibalu-an nga sang Hunyo 22, Lunes, ginpaguwa ang resulta sang COVID-19 test sang nasambit nga bata kaupod ang 14 ka Locally Stranded Individual gikan sa Cebu.
