Ginalantaw sang Department of Labor and Employment (DOLE) nga kapin sa apat ka milyon nga mga Filipino ang madulaan sang trabaho subong nga tuig bangud sa epekto sang Coronavirus Disease 2019 (COVID-19) sa ekonomiya sang Pilipinas.
Suno kay DOLE Sec. Silvestre Bello III, mahimo nga 10% tubtob 15% sang workforce ukon kapin sa apat ka milyon nga mga mamumugon ang madulaan sang trabaho.
Dugang pa sang natungdan, positibo siya sa gihapon nga mapasangkad ukon mabalanse sang Business Process Outsourcing (BPO) ang numero sang mga madulaan sang trabaho.
Nagalaom man si Bello nga ang “Build, Build, Build” program sang administrasyon ang makasalbar sa mga madulaan sang trabaho subong nga tuig.
