Nagpa-idalom sa training sang Philippine National Police Aviation Security Group ang aktres nga si Beauty Gonzalez.
Suno kay Beauty, nadesisyonan niya sadto pa lang sang ginpa-idalom sa enhanced community quarantine ang Pilipinas nga magsulod sa Aviation sa tion nga mahimo na makaguwa.
Gani subong nga yara na sa General Community Quarantine ang Metro Manila, ginhatagan niya ini sang oportunidad agud nga makapa-idalom sa Special Operations Unit training sang PNP Aviation group.
Pahayag sang aktres, tuman ang iya pagpasalamat sang nabaton siya sa training bangud kwalipikado pa ang iya edad kag height.
