Masami ginahambal nga para lang sa tigulang ukon may edad ang gout, isa ka sahi sang balatian nga nagapalanakit ang kasukasuan, ilabi na sa tiil tuga sang tuman nga uric acid.
Apang suno kay Jing Zamora, isa ka rheumatologist, mahimo man nga makaangkon sang gout ang mga kabataan nga naga edad 20 anyos pataas.
Pahayag niya, ang mga lalaki ang masami nga nagaka-angkon sang gout bangud mataas ang ila nga uric
acid — isa ka kemikal nga kabangdanan agud mag-porma ang gout sa lawas.
Agud mabuhinan ang sakit nga nabatyagan, panugyan sang eksperto nga kun mahimo likawan ang mga pagkaon nga may uric acid.
Mas importante man nga mag pa check-up sa doktor agud makakuha sang pang-maintenance nga bulong.
