Russia, ginpanginwala ang akusasyon sang Estados Unidos nga nagabayad ini sa Taliban-linked militants agud patyon ang soldado sang US nga yara sa Afghanistan

Ginpanginwala sang Russia ang pahayag sang Esdatos Unidos nga ginabaydan nila ang Taliban-linked militants agud magpatay sang mga soldado sang Estados Unidos nga yara sa Afghanistan.

Suno sa Russian Embassy sa Estados Unidos, nagakadapat nga likawan sang US nga magpalapta sang mga fake news.

Magatuga lamang ini sang indi pag-intindihanay sang mga opisyal sang embahada sang duha ka mga pungsod.

Wala man suno sa Russian Embassy sang basehan ang pagbasol sa ila sang Estados Unidos.

Nahibaluan nga ginbuyagyag sang isa ka opisyal sang US nga gina-alegar nagabayad ang Russia sa mga Taliban agud magpatay sang mga US troops sa Afghanistan.