World bank, gin-aprubahan na ang $370 million nga loan sang Pilipinas

Gin-aprubahan na sang Wold Bank ang 370 million dollar ukon 18 billion pesos loan sang Pilipinas para sa proyekto sang Department of Agrarian Reform nga magahatag sang ‘individual land title’ sa 750,000 agrarian reform beneficiaries.

Suno sa Washington-based development lender, ang programa nga Support to Parcelization of Lands for Individual Titling (SPLIT) ang maga-facilitate sang titulo sang duta sa masobra 1.3 million ka ektarya sang duta sa idalom sang Comprehensive Agrarian Reform Program.

Pahayag naman ni Achin Fock, World Bank Acting Country Director for Brunei, Malaysia, Philippines and Thailand, madamo sang mangunguma nga ginhatagan sang duta sa idalom sang agrarian reform program ang nagahulat sang ila tagsa ka mga titulo sa madugay na nga tion.

Ang pag-pa improve sang land tenure security dugang niya ang makapabuhin sang kapigaduhon sa Pilipinas, makapasangkad sang ekonomiya kag mapadasig ang pag-recover sang mangunguma sa epekto sang COVID-19.