ILOILO CITY- Magaagi sa istrikto nga proseso ang tanan nga pagkabutang nga ipasulod sa St. Paul’s Hospital of Iloilo matapos nga gin-lockdown ini kasunod sang pagpositibo sa Coronavirus disease 2019 sang anom ka mga doktor.
Sa interview sang Bombo Radyo kay Police Major Francisco Paguia, hepe sang Police Station 1 sang Iloilo City Police Office, iya ginpahayag nga nagpahamtang sila sang lamesa sa main entrance sang ospital sa diin magaagi ang tanan nga butang agud ipaidalom sa disinfection antes pasudlon sa ospital.
Suno kay Paguia, ginsirado naman ang tanan nga gate sang ospital kag ang main entrance lang sa dalan General Luna ang ginbuksan agud mas mahapos ang pagmonitor sa nagasulod sa ospital bilang kabahin sang ginapatuman nga safety measures.
