ILOILO – Handa ang Iloilo Provincial Government kun ano man ang mangin klasipikasyon sang probinsya sang Iloilo kun community quarantine ang pagahambalan.
Sa interview sang Bombo Radyo kay Gov. Arthur Defensor Jr., iya ginpahayag nga indi man masiguro nga mangin 100% ang pagbantay sa probinsya bangud may yara gid sang may makalusot apang ginasiguro niya nga ginahimo sang probinsya ang tanan nga masarangan agud ma proteksyonan ang publiko ilabi na ang mga healthcare workers kag frontliners.
Liwat nga ginpanugyan ni Gov. Defensor ang tatlo ka M — Magdistansya, Magmaskara kag Manghinaw.
Nagpangabay man ang gobernador sa publiko nga indi pag-taguon ang kondisyon sang ikaayong lawas.
