JOLO,SULU – Patay ang apat ka mga soldado matapos matiruhan sang mga pulis sa checkpoint operation sa Sitio Marina, Barangay Walled City, Jolo, Sulu.
Sa initial report, ang Jolo Municipal Police Station kag ang Provincial Drug Enforcement Unit ang yara sa Barangay Bus-Bus sang ila nakit-an ang gray Montero SUV sakay ang apat ka mga armado nga kalalakihan sa Sitio Marina, Barangay Walled.
Sang ginpalapitan ang mga armado nga lalaki sang mga pulis, nagpakilala ini nga mga myembro sang Armed Forces of the Philippines apang sila ang gimandu-an nga magpadulong sa Jolo Municipal Police Station para sa verification.
Sa ila pag-abot sa police station, nagpahayag ang pulis nga ang mga lalaki ang nagpalagyo padulong sa Martirez, Barangay San Raymundo.
Bangud sini, ila ginlagas ang apat ka mga lalaki apang ginapahayag nga nagpanaog sa salakyan ang mga lalaki kag gintutukan sang armas ang mga pulis.
Apang antes pa man makapalupok sang armas ang mga kalalakihan, na unahan na sila sang mga pulis bilang depensa.
Sa subong, nag mandu na ang Western Mindanao Command sang impartial investigation sa nasambit nga insidente.
Makatilingalahan lang suno kay WesMinCom commander Lieutenant General Cirilito Sobejana nga may natabo nga pagtiniruhay sa bahin sang mga soldado kag pulis.
