ILOILO CITY – Ginpaidalom na sa strict home quarantine ang mga kaupod sa balay sang isa sa walo ka mga doktor sang St. Paul’s Hospital Iloilo nga nagpositibo sa Coronavirus disease 2019 ukon covid-19.
Sa interview sang Bombo Radyo kay Punong Barangay Jerelle Agilles sang Balantang, Jaro, Iloilo City kun sa diin nagaistar ang doktor, iya ginpahayag nga gilayon niya nga ginpabantayan ang balay agud indi makagwa ang duha ka kaupdanan sang nasambit nga doktor.
Magluwas sa gina-istaran sang doktor, gin-home quarantine man ang iya pamilya nga iya naka-close contact sa nasambit man nga barangay.
Suno kay Agilles, magluwas sa mga himata, nagpatigayon man sila sang contact tracing sa tanan nga mahimo naka-close contact pa gid sang mga natungdan.
