ILOILO CITY – Magahatag sang Rapid test kits si Mayor Jerry Treñas sa 10 ka mga hospital sa syudad sang Iloilo.
Ini ang kasunod sang pagpositibo sa COVID-19 sang walo ka mga doktor sang St. Paul’s Hospital Iloilo.
Sa interview sang Bombo Radyo kay Treñas, iya ginpahayag nga Rapid test kits lang ang igapanghatag agud nga mapadasig ang pagtumod sa mga medical workers nga COVID-19 positive.
Suno kay Treñas, kun RT-PCR test kits ang igapanghatag, magalab-ot pa sa 8-10 ka adlaw antes mapaguwa ang resulta.
Ginpahayag ni Treñas nga ang kinahanglan sa subong amo ang madasig nga pagpatuman sang preventive measures agud nga indi na madugangan ang numero sang medical workers nga nalatnan sang nasambit nga virus.
