May yara ayhan sang tawo nga wala naka-eksperyensya sang kasakit?
Masami sa inyo ang na-akigan sang inyo mga ginikanan bangud sa sala nga inyo ginhimo, may na kontra sa opisina, ukon may yara ikaw sang traumatic experience kaangay sang pagpang-abuso pisikal kag emotional sang tawo nga malapit kag espesyal sa imo.
Ang ini nga mga pilas sa imo tagipusuon ang makatuga sang kaakig kag kalain sang buot.
Apang kun ikaw ang sahi sang tawo nga mabudlay mag-patawad, sa ulihe ikaw man sa gihapon ang mabudlayan.
Pinaagi sa pag-patawad sa tawo nga nakasala sa imo ang makahatag sang kalinongan, paglaom kag kalipay.
Ang pag let go ukon pagdula sang kalain sang buot ang maka pa-improve sang imo ikaayong lawas kag makahatag sang peace of mind.
Ini ang makahatag sang healthier relationship, makalikaw sa pagbatyag sang anxiety kag stress, makapanubo man sang blood pressure, ma pa-baskog ang immune system, kag maka pa-improve sang imo nga tagipusuon.
Gani sa imo dira nga may kalain sang buot nga gina tago-tago, tion na agud i-let go ina.
Ang Diyos nag-patawad sa aton mga sala kag sin-o kita para indi man magpatawad sang aton isig kapareho?
Manami mabuhi sa kalibutan kun wala ikaw sang kalain sang buot nga ginadala.
